艺人袁伟豪（Ben）、唐诗咏、朱晨丽、赖慰玲、赵希洛、范文雅、郭子豪及杨潮凯等到钻石山宣传剧集《栋仁的时光》，歌手菊梓乔即场献唱，唐诗咏身穿露腰装晒小蛮腰，相当吸睛。
台上，资深演员炜烈大赞唐诗咏演技，并祝她多夺几年视后，但唐诗咏搞笑说：“我想嫁呀！”
前日（3日）过37岁生日的唐诗咏透露已吃了七个蛋糕，问到Ben有何表示？他笑说：“送包麦皮畀佢清吓肠胃！（有冇啲实际啲？）帮佢拣个男朋友啰！（你身边好多笋盘？）最笋嗰个（指住自己），其他都冇喇！其实缘分要嚟挡都挡唔住，或者享受吓单身先。”
另一半搵番本地人唐诗咏表示不急拍拖，最近亦没有留意是否有追求者：“其实黄翠如话介绍男仔一年，都冇介绍到，唔紧要，依家做自己想做嘅事先，例如一个人去旅行。（想有艳遇？）又唔好，好似危险咗啲，都系想搵番本地人。”讲到《栋》剧收视不算太好，Ben认为现今有太多方式睇剧，因此不会将收视放得太重，唐诗咏说：“最紧要娱乐到大家。（因为主题太深，观众未必明？）的确试新嘢系有危机，编审有啲桥系甫到最后，都要畀空间佢哋创作。”
